Warhafftiger Ab=
druck vnd Bericht / des Abschiedes /
welchen der durchlauchtige hochgeborne Fürst
vnd Herr / Herr Johans Friderich der Mitler Hertzogk zu
Sachssen / Landgraf in Düringen / Margraf zu Meissen / vnser
gnediger Fürst vnd Herr / aus Christlichen Fürstlichen / notwen=
digen / hochdringenden vnd vnuormeidlichen Vrsachen. Auch
auf vorgehende zeitige vnd stadtliche berathschlagung / Etz=
licher Politischen / vnd gelerten Rethe / nicht in geringer
anzahl / dem Matthie Flacio Jllirico / vnd Johan=
ni Wigando / im Jüngst vorschienen zwey vnd
Sechtzigsten Jahr / der mindern zahl /
von jhrer F.G. hohen Schule
zuwenden / haben
geben lassen.
Dem Christlichen Leser gründlichen
zuuernemen nicht vndienstlich. Zu Abwen=
dung allerhand seint der zeit darauff eruolgten vorfel=
schungen / Calumnien / Cauillationen / vnd Tergiuersa=
tionen / vnrugiger Leute / Welche zum theil / darwider Le=
sterschrifften / vnd vnwarheit / offentlich / an tag zubrin=
gen / sich nicht geschewet / Zum theil aber wider Christ=
lich gewissen / den Mantel / nach dem Win=
de zu hengen / Vnd auff Leichtem
Wendefuss / hin vnd hero zu
wancken / sich beulis=
sen haben.