VERA EXPLICA-
TIO ASCENSIONIS CHRISTI, ET SEN-
TENTIAE PETRI ACTORVM III. OPOR-
tet Christum suscipere Coelum.
MATTH. FL. ILLYR.
1. Corinth. 10. Nolim vos ignorare, patres nostros omnes sub nube &
in mari in Mosen baptizatos esse: & omnes eandem escam spiritualem com-
edisse, eundemq(ue) potum spirituale bibisse. Bibebant enim de spirituali
illos comitante petra, Christo. Paulus hic, tum veteru(m) typis vmbrisq(ue), noui
Testamenti rerum solidam veritatem depictam monstrans, euidendißime
exprimit vtriusq(ue) nostri Sacramenti essentiam aut ceu Corpus ipsum, non
fructus: ostendens, Baptismum quidem esse lotionem aquae in Christum, pa-
scalem vero nostram Coenam esse esum & potum de agno Dei, Christo ipso,
nunquam deferente nos orphanos: Sed perpetuo suam Ecclesiam per hoc tri-
ste desertum comitante, ac in medio nostrum existente, vsq(ue) ad finem saecu-
li Matth. 18. & 28. Quae quidem licet omnibus etiam dignis contingant,
non tames eos seruent. Ostendi ergo ibi euidenter, quod nostra pascalis coe
na sit esus & potus Corporis & Sanguinis Christi, nos perpetuo comitantis:
qui contingat etiam indignis, aut non dijundicantibus, illudq(ue) abutentibus,
& eius reis, sibiq(ue) illud in exitium edentibus.
VRSELLIS, ANNO DOMINI
M. D. LXXII.