Epistolar /
Des Edlen, von Gott hochbegnadete(n)
Herren Caspar Schwenckfelds von
Ossing auß der Schlesien seliger gedechtnus Christliche leerhaff
te Sendbrieffe vnd schrifften / die er in Zeit seines lebens / vom XXV. Jare an /
biß auff das LXI. der mindern zahl auß eingebunge des H. Geists mit zeugnus H.
Schrifft / an gottfürchtige gütthertzige / an geistliche vnd weltliche hohes vnd nidern
Standes personen an Geleerte vnd vngeleerte / reiche vnd arme geschrieben / Inn wel=
chen sein Christliche leere vom Euangelio JESV Christi grundtlich vnd besten=
dig wirt bezeuget alle jme zügemessene Calumnien bescheidenlich abgelenet vnnd sei=
ne offentliche Gesprech / die er mit den Geleerten vnd fürstehern gehalten ordenlicher=
zehlet werden / Es wird auch darinnen deutlich erklert / wie trewlich Er den jetzigen
vier Parteien jre irrthumb fehl vnnd mengel in der leere mit sanfftmütigem Geist
mundtlich vnd schrifftlich entdeckt vnd zu bessern auffrichtig erinnert vnd ermanet /
Wie vndanckbar sie sich aber gegen jme bewiesen vnd erzeigt haben das wer
den alle fromme vnparteische hertzen künfftig im liechte
der gnaden sehen vnd erkennen.
Mit fleiß vnd trewe auß seinen protocollen, oder nachuerlassenen Original=
schrifften zusammen gebracht vnd an tag gegeben / sampt
einem dreyfachen Register.
Des Edlen von Gott hochbegnadeten Mannes
Caspar Schwenckfeldts
ZACHARIAE I.
Vnd der HERR zeiget mir vier Schmide / vnd sprach: Die vier Hörner /
die Juda zerstrewet haben / dieselben abzuschrecken / sind diese
kommen / daß sie die Hörner der Hei=
den abstossen.
Getruckt nach Christi Geburt 1570.